Header

Jaargang 17 - Uitgawe 24/2020 - Donderdag  25 Junie 2020

ngkn@ngkn.com.na

Rubrieke in hierdie uitgawe...

• Nuusbrokkies

• Familie-nuus

• Op die radio...

• Opleidingsgeleentheid

• Publikasies

• Voorbidding

• Vakatures en ander advertensies

• Giggel

Nuusbrokkies

Elaine vorder mooi na sy stents kry

Elaine, eggenote van ds Zack Pienaar van Windhoek Eros is in die Intensiewe sorgeenheid nadat sy Woensdag drie stents gekry het om vernouings in are te verhelp. 

Volgens Zack het dit goed verloop en gaan dit goed met haar. Ons bid vir 'n spoedige herstel. 

---
---

Piet Naudé, Stephan Joubert, David Kinnaman en ander in gesprek

"Die vrae wat Job gevra het, vra ons ook nou" - prof Piet Naudé

"Die vrae wat Job gevra het, vra ons ook nou," het prof Piet Naudé tydens Ekerk se maandelikse leergemeenskap op 11 Junie 2020 gesê. Die gesprek is aanlyn beskikbaar.

Verskeie teoloë en kundiges het aan die gesprek deelgeneem, maar veral Naudé en Joubert se bydraes het diep getref.

Van die ander uitstekende sprekers was David Kinnaman, president van die Barna Navorsingsgroep, en prof Stephan Joubert. Dit is net enkele van die hoogtepunte. Klik op die foto hieronder om die opname van die geleentheid te sien. Piet Naudé kom op minuut 55 aan die woord. Prof Stephan Joubert het die gesprek gelei.

Teologies het ons met 'n sinkrisis te doen - Naudé

Prof Naudé, 'n teoloog en hoof van die US-Sakeskool, het gesê (kyk vanaf minuut 55 op bogenoemde skakel) ons beleef tans 'n gelyktydige krisis in die teologie, kerk en ekonomie. Ekonomiese vertroue is op 'n laagtepunt. Dit is 'n enorme krisis, vergelykbaar met Europa tydens die Tweede Wêreldoorlog.

Aan teologiese kant is daar 'n sinkrisis. Hoe is God betrokke by ons omstandighede. Hoe pas Christus se lyding in by die lyding wat ons tans beleef? Is ons lyding in lock down deel van die Heilige Gees se versugting saam met die skepping?

Hierdie krisis is sleg, maar dit is 'n vrugbare tyd.

Naudé het gesê daar is vyf wesenlike areas wat gelowiges in die toekoms gaan beïnvloed:

• Tegnologie: wat gaan die impak daarvan op kerk en besigheid wees? Dit het 'n impak op bedienings- en sakemodelle, maar op 'n dieper vlak ook oor die etiek en siening van mens-wees van 'n tegnologies-gedrewe samelewing. Data is die nuwe olie. Kerk-wees post-Covid gaan anders lyk.

• Ekologie: Die Covid-pandemie het vervoer (lug, motor en trein) tot stilstand geruk, en vir die aarde 'n bitter-nodige ekologiese sabbat gebring. Die Christelike tradisie in die Weste het groot skuld aan die ekologiese krisis omdat dit gebruik van die natuur deur die verskillende industriële revolusies gelegitimeer het - tot skade van die omgewing.

• Sosiale sekuriteit vir mense wat uit die sisteem geval het. Hy prys die staat wat maandeliks R17-miljoen aan 'n sosiale vangnet vir die armes bestee. God is op 'n besondere manier die God van die weerlose. Dit vra ook 'n teologiese gesprek om seker te maak sosiale sekuriteit bly volhoubaar.

• Globalisering: Covid is globaal en kan net globaal aangespreek word. Lande sal moet saamwerk. Soos die ekologie is dit 'n probleem waaraan alle lande moet saamspan. Die bewegings soos Brexit, "Making America great again", Putin wat Rusland wil opbou, moet teengewerk word. Die opkoms van nuwe nasionalismes is nie goed vir die globale uitdagings wat ons in die gesig staar nie. "Hoë nasionalismes" bring altyd konflik en selfs oorloë. Dit is dus kerke se plig om ekumenies saam te werk ten einde teologies aandag aan die globale probleme te gee.

• Rol van die staat: wanneer die ekonomie in duie stort, verg dit dat die staat sterker op die voorgrond moet tree. Hulppakkette verg staatsintervensie. Deel van ons krisis is die geweldige lae vlakke van politieke vertroue in die regerende party en die staatsapparatuur. Hy bid vir die staat en die regering, ons het betroubare mense nodig wat met eerlikheid met staatsbronne omgaan.

Naudé het gewys op die belangrike rol wat gemeentes het om te speel. Hy sê Suid-Afrika sal in duie stort as die kerk en die burgerlike gemeenskap in die land wegval. "Ons het die hoogste aantal nie-regeringsorganisasies per populasie in die wêreld en dit is enorm."

Hy sê prakties is daar twee maniere wat die kerk op die Koronavirus-krisis moet reageer:

• Eerstens moet kerke soos die Barmhartige Samaritaan op die onmiddellike krisis reageer. Die kerk moet kos gee by skole en sopkombuise oopmaak.

• Tweedens moet die kerk ook gaan kyk hoe ons oor grense heen met mense kan saamwerk. Gemeentes van dieselfde dorp móét saam werk. Die kerk móét ekumenies saam werk. Dit is al hoe ons hierdie krisis gaan oorleef.

Prof Stephan Joubert het in sy bydrae (wat by 1 uur 50 minute begin) gepraat oor die verharding wat wêreldwyd ingetree het. Die nuwe werklikheid vra nie soseer probleemoplossing nie (dit lewer nog nie 'n positiewe bydrae nie), maar daadwerklik opbouende optrede. "Stoot die positiewe op na daar waar God dit wil hê." Ons moet beide groepsdruk en ons voorkeur vir die negatiewe agterlaat. Hy het oor 'n nuwe teologie, een wat met God se kyk kyk, 'n baie waardevolle inset gelewer.

---

Wildernis Terapie is weer aan die gang 

Wildernis Terapie werk baie suksesvol met kinders wat op die rand daarvan is om uit die skoolsisteem geskop te word. So bekryf een van die "graduandi" sy eie lewenservaring, "Tannie Pikkie hulle het my gered en my lewe omgedraai!"

Elke jaar neem Pikkie en haar helpers ten minste vier groepe op 'n wildernis ervaring wat hulle lewens omkeer. Gewoonlik is dit agt dae lange staptogte in moeilike terrein, wat fisies en emosioneel uitdagend en uitputtend is.

Een van die groot uitdagings vir meeste wat nog nooit alleen geslaap het nie - wat nog te sê onder die blote hemel in die wildernis waar jy hyenas en jakkalse hoor - is om heeltemal alleen te "solo"! Jy word 'n slaapplek aangewys in die veld en kan nie iemand anders sien of hoor nie. "Rerag Scary" was een van die kinders se beskrywing.

Dis seker die een ervaring waaroor daar die meeste gepraat word. 

Deurgans tydens die stap word daar terapeuties gewerk en word die groep ingespan in besluitneming. Die kohesie wat gekry word is merkwaardig en vorm die basis vir die jaar tot 18 maande lange saam groei onder die leiding van 'n mentor wart weekliks met die groep ontmoet en werk.

Hulle moet ook ten minste een gemeenskapsdienswerk projek doen gedurende die periode. Die program help tieners wat rigtingloos soekend was en in negatiewe gedrag verval het, om sin te vind en op te staan tot 'n nuwe gesonde positiewe lewenstyl.

Soos die foto wys, is daar ook nog ander maniere waarop kapasiteit gebou word in die lewens van die deelnemers. Die beroepsleidings kursus help hulle regtig om rigting te vind na skool - vir kinders wat baie leerkragte geen kans gegee het om skool klaar te maak nie.

Lesers wat betrokke wil raak by die stappe, as mentors wil optree of op ander maniere wil betrokke raak kan me Pikkie Hofman kontak 0812933551

---

Familie-nuus

Hulle verjaar

• Daar is wraggies nie een verjaardagmaatjie nie! 

Opleidingsgeleenthede

“Kom ons lees die Bybel”

14 – 15 Julie 2020
Kom ons lees die Nuwe Testament
In hierdie werkswinkel word daar gefokus op die Brief aan die Kolossense
en nagedink oor die vraag:
Wat beteken dit as mens hierdie brief deur die lens van missionaliteit lees?
Plek: Aanlyn per Zoom
Aanbieder: Ds Leon Westhof
Koste: R75
VBO: 25 punte
Sluitingsdatum: 10 Julie 2020
Inskrywing: https://forms.gle/zMDCLnwMNGZ2m1JX8
(Inskrywings geskied deur middel van dié aanlynvorm)

Bankbesonderhede vir elektroniese betalings:
Bank: ABSA             Naam van rekening: TSO
Rekeningnommer: 142 0830 463
Takkode: 632005      Tak: PRETORIA
Verwysing: NT naam en van; ePos Betalingsbewys na excelsus@up.ac.za

Navrae: Rika by excelsus@up.ac.za

Covid ontmasker

'n Webinar vir diegene wat graag wil saamgesels en saamdink. Volg dié skakels om te registreer.

Enige navrae moet asb na die epos adres gerig word: g.stoltz@plesion.org.za

Registrasie-skakels:

Whatsapp: https://us02web.zoom.us/…/3715919…/WN_FV2TB1cHRwi6LqlieucloA

Facebook: https://us02web.zoom.us/…/1615919…/WN_FV2TB1cHRwi6LqlieucloA

Email: https://us02web.zoom.us/…/3015919…/WN_FV2TB1cHRwi6LqlieucloA

Website: https://us02web.zoom.us/…/7315919…/WN_FV2TB1cHRwi6LqlieucloA

Op die radio...

Maak dit asseblief bekend in die gemeente?

Onder die Kameelboom

Thijs kuier die week saam met ds Wynand Fourie van Windhoek Wes en dosent in Nuwe Testament by NETS. Hulle gesels oor koninkrykstyd met Matteus 11:16 - 19; 25 - 30 in gedagte. Luister eerskomende Sondag om 12:00 (of Dinsdag 30/06 om 09:30) en kuier saam met ons weer op Kanaal 7. Die stasie saai ook op internet uit (www.k7.com.na) asook op die DSTV-platform kanaal 825 en Go-TV kanaal 303; OF op Potgooi

https://www.k7.com.na/potgooi/#1479900125305-ea521c4e-ddb7 

Nuwe Publikasies

Lig bring hoop

Hoop, moed en ’n dubbele porsie geloof. Dit is wat ons nodig het in ’n tyd soos dié. Suid-Afrika, saam met die res van die wêreld, gaan gebuk onder die uitdagings wat Covid-19 bring. Een van die maniere om hoopvol te bly, is om doelbewus te soek vir stories van hoop. Een só ’n storie is die beweging Worship South Africa wat tydens grendeltyd op Facebook ontstaan het. Lees verder.

‘God voorsien in my moeilikste tyd’

“Die afgelope twee jaar was die moeilikste jare wat ek al gehad het. Ek was onseker oor my toekoms en het nie geweet hoe ek met ʼn berg se skuld sal oorleef nie. Ek is huis- en karloos. Ek het elke dag net na ʼn grashalm hoop gesoek om my te verseker dat ek okay gaan wees,” vertel Ruan Josh, wat soos sy bekende ma Juanita du Plessis ook ’n sanger is. Lees verder.

‘My grootste vreugde’

“Ek is verwonderd oor hoe God haar geskep het. En ek wil haar net soen en soen …” sê nuwe ma en LiG-redakteur, Francine Prins, oor haar week oue babadogtertjie, Katinka. Sy praat oor die vreugdes, uitdagings en verdieping wat moederskap bring. “Ek was nie voorbereid op hoe diep en groot ’n mens se liefde kan wees vir so ’n klein wesentjie nie.” Lees verder.

Om in te teken op LiGkliek hier. 

VOORBIDDING

Bid vir Laos

Laos is een van die wêreld se armste lande waar die Kommunisme weer sterk wortelskiet. Die owerhede hou alle godsdienstige aktiwiteite fyn dop, insluitende geregistreerde Christelike kerke. Terwyl Boeddhisme aanvaar word as deel van die land se nasionale erfenis, word ander gelowe as ʼn bedreiging beskou. Christenskap word as ʼn Westerse ideologie gesien en daarom vyandig benader. 

Klik hier om meer te lees, en om nuttige gebedskyfies af te laai, sodat jy saam met ons kan bid vir ons broers en susters in Laos.

"As God, volgens Sy wil, my toelaat om te sterf, is ek gereed om my lewe neer te lê vir Jesus.” – Beun*, ʼn Christen van Laos

Vakatures en Ander Advertensies

Lewensreg Woonstelle in Schanzenoord beskikbaar

Lewensreg beskikbaar op 2 slaapkamer woonstel op grondvlak.  N$990 000.

• Kontak Frans du Toit by 081 261 7405 of fdutoit321@gmail.com vir besonderhede 

• Kontak ons gerus as u gemeente of bediening 'n vakature wil adverteer. Thijs van der Merwe by 081 124 3641 of alg.sekr@ngkn.com.na vir besonderhede 

---

CML UITVERKOPING

CHRISTELIKE MOBIELE LEKTUUR bied tans 50% AFLAG op alle boeke. Koop nou 4 cd's of 2 DVDS  @ slegs 100.00.

TEL NAVRAE:234466 OF 0812426998[EDGAR]

TAKKE IN WINDHOEK by 

• MAERUA MALL - TEL 301600

• BAINES - TEL 243427

• GUSTAV VOIGTS SENTRUM MIDDESTAD - TEL 234466

TAKKE IN DIE RES VAN DIE LAND by

• SWAKOPMUND: TEL 064-403074

• WALVISBAAI TEL 064-220374

• OTJIWARONGO  TEL 067-303915

Giggel

As die kerke volgende week weer "oop" gaan met 250 mense wat nou kan saamkom gaan daar seker 'n aanpassing of twee wees...

---