Header

Jaargang 15 - Uitgawe 41/2018 - Woensdag 21 November 2018

ngkn@ngkn.com.na

Roeping 2017 is die roetekaart vir ons kerk-wees die volgende paar jaar in Namibië.

Week van gebed 2019

Nou beskikbaar in Afrikaans en Engels.

Jaarboek 2019 - klik hier vir bestelvorm

3% korting vir bestellings voor 1 Desember 2018

Klik hier vir die 2019-datumlys.

Rubrieke in hierdie uitgawe...

• Nuusbrokkies

• Aftree-behuising

• Radioprogramme

• Familie-nuus

• Voorbidding

• Nuut by CLF

• Vakatures

• Giggel

Hentiesbaai soek predikers vir Kersdag

Hulle soek nog 2 leraars vir die 7H30 en die 10H30 dienste.

Kontak Corrie Maandae tot Vrydae tussen 8 vm. en 12 nm by die kerkkantoor - Tel. +264 64 500 764Cell. +264 81 206 9123.

Sinodale Kantoor sluit

Die Sinodale Kantoor

• sal Maandag 26 November eers om 10:00 oopmaak;

• sal van 1 Desember 2018 tot 6 Januarie 2019 gesluit wees.

Nuusbrokkies

L3H – Studenteverblyf sal nooit weer dieselfde wees nie

Vanaf 2019 kry studente in Windhoek ‘n opwindende nuwe verblyf-opsie. Die L3Huis kombineer hoë standaard studenteverblyf met ‘n unieke kampus-ervaring en ondersteunende mentorprogram. In hierdie opsig is dit meer as net studentebehuising. Dit is terselfdertyd ‘n veilige en motiverende program van vorming en voorbereiding vir die lewe wat net soveel uitdaging, as roeping is.

Die L3Huis is ‘n inisiatief van Academia-gemeente. Met heelwat navorsing en beplanning, en besoeke aan soortgelyke intensionele studente verblyfprogramme, is Academia opgewonde om hierdie unieke opsie vir studente in Windhoek te bied.       

Indien jy volgende jaar ‘n student in Windhoek is, en respekvolle verhoudings, goeie verblyf en die lewenswaardes van Christelike dissipelskap is vir jou belangrik, kontak die L3H-mense: ngaca@iway.na / 061-241054.

---

Grietjie Combrinck Hulpfonds

Die Kerkraad van Warmbad het besluit om Die Grietjie Combrinck Hulpfonds in die lewe te roep.

Grietjie, eggenote van Ds. Johann Combrinck, moet baie dringend alternatiewe behandeling vir kanker ontvang. Sy veg reeds die afgelope vier jaar teen die siekte. Die onkoloog het umminoterapie as die enigste alternatief voorgestel. Dit behels baie duur genetiese toetse en behandeling daarna. Die Mediese Fonds het reeds te kenne gegee dat hulle nie die genetiese toetse gaan betaal nie. Vir die behandeling daarna kan ook geen waarborge van die Fonds verkry word nie.

Dit het die Kerkraad van Warmbad genoop om ‘n hulpfonds in die lewe te roep ten einde die toetse te laat doen asook die daaropvolgende behandeling.

Met hierdie skrywe versoek die Kerkraad u om asseblief ‘n bydrae tot die fonds te oorweeg. Ons versoek verder dat u dit asseblief ook in u gemeentes bekend sal maak indien daar lidmate is wat moontlik ‘n bydrae wil lewer.

Die Kerkraad het dit ‘n gebedsaak gemaak en vra u gebede tot die saak asook persoonlik vir die Combrincks. Dit is ‘n saak van uiterste dringendheid. Die fonds sal deur die Kerkraad van Warmbad bestuur word.

Die besonderhede van die hulpfonds is soos volg:

Die Grietjie Combrinck Hulpfonds
Bank Windhoek Karasburg
Takkode: 481-271
Rek Nr: 8011 766 388

Navrae aan Thomas van Zyl by tat@wegkruip.com

---

Pensioenfondsopbrengs slaan inflasie vir 'n ses

Kundigheid met betrekking tot die beleggingsomgewing het gehelp dat die NG Kerk in Namibië Pensioenfonds sedert sy ontstaan in 1998 stewige waarde vir lede toegevoeg het.

Oor twintig jaar was die opbrengs van die fonds net 2 maal (in 2008 en 2017) vir kort tydjies minder as inflasie. Die grafiek hier onder, wat deur die Fonds se Aktuaris verskaf is, dui dit grafies aan.

‘n Eenvoudige manier om na die grafiek te kyk is om die boonste oppervlakte tussen die 2 lyne, d.w.s. bo die inflasielyn (die groen lyn) te meet teenoor die oppervlakte onder die inflasielyn. Indien die boonste oppervlakte meer is as onderste oppervlakte dan behoort die opbrengste beter te wees as inflasie. Enige lid kan maklik van sy intreedatum tot 2018 kyk om sy persoonlike ervaring te skat.

---

TV-Reeks oor Kultes en Kultariese groepe werksaam in Suid-Afrika

Die TV-reeks Openbarings, wat handel oor kultes en kultariese groepe werksaam in Suid-Afrika, saai op Donderdae (20:30) en Sondae (21:00) op VIA (DSTV kanaal 147) uit. Daar is 13 een uur lange episodes.

Prof Henk Stoker, van die Teologiese Skool, was een van die adviseurs vir die program en van die GKSA se predikante en ‘n teologiese student tree ook op in van die programme.

Die volledige skedule sien soos volg daar uit:

---

Koolstofvoetspoor van ’n e-pos

• Met erkenning aan Noord-Kaapland 20 November 2018

Besef jy dat, wanneer jy die stuurknoppie druk om ’n e-pos te stuur, daar koolstofvrystelling plaasvind?

Elke e-pos wat gestuur word, gebruik elektrisiteit om dit op die rekenaarskerm te vertoon – die netwerkverbinding gebruik ook elektrisiteit terwyl die e-pos oorgedra word. Terwyl die e-pos oor die internet reis, gebruik elke bediener elektrisiteit om dit tydelik te stoor, voordat dit oorgedra word. Tog gebruik die stuur van ’n e-pos slegs ongeveer 1,7 persent van die energie wat benodig word om ’n dokument van papier te versend – máár ons stuur meer e-posse!

Die elektrisiteit wat gebruik word om ’n gemiddelde e-pos te stuur, stel 4g CO2 vry. As ’n prentjie (foto) aangeheg word (“attachment”), het dit ekstra berging nodig en neem dit langer om oor te dra – dit het tot gevolg dat die koolstofvoetspoor met ’n gemiddeld van 50g styg. Pespos (“spam”) word meestal outomaties deur die e-pos bedieners verwyder voordat jy dit op die rekenaarskerm sien – dit “reis” dus nie so ver nie en is slegs verantwoordelik vir 0,3g elk.

Die stuur van 65 e-posse is ongeveer gelykstaande om 1 kilometer met ’n motor te ry. In een jaar voeg ’n gemiddelde persoon in die ontwikkelde wêreld 136kg CO2 by tot hul koolstofvoetspoor deur middel van die e-posse wat hulle stuur en ontvang. Dit is gelykstaande daaraan om ’n ekstra 320 kilometer met ’n motor te ry.

Wêreldwyd is die gebruik van e-pos gelykstaande aan dieselfde hoeveelheid CO2 as wat sewe miljoen motors op paaie sou veroorsaak.
(Met dank en erkenning aan BBC Focus Magazine)

---

Kerssangdienste in Windhoek...

---
---

Soli Philander at Huis Maerua's Fundraiser

29 November 2018

Huis Maerua Children’s Home is hosting a fundraiser on 29 November at Lemon Tree.  Food, wine and fabulous entertainment will be served all to the benefit of the Children’s Home.

This wonderful  “Black Tie” event will be hosted by Soli Philander, one of South Africa’s top and most versatile performers. With his stylishly dread locked crown and typically Cape Colored humor, Soli will bring flavor between the drumming band and dancers ensuring this an event not to be missed.

Contact Liana at 383250 or 0815869095 to book your ticket that will be delivered at your door. 

---

Huis Maerua Skoenboks-projek 2018

---

Aftree-behuising

Oude Rust Oord beskik tans oor 2 lewensreg woonstelle

• Die eerste woonstel is 80m2 groot. Twee slaapkamers en n oopplan leefarea.  Prys is N$1,100,000.00 onderhandelbaar.

• Die tweede woonstel grens aan die Sorgeenheid en is ideaal vir n egpaar waar een of dalk beide hulp sou benodig. Die eenheid is 68m2 groot, ook 2 slaapkamers met n toesluit motorhuis.  Prys is N$1,000,000.00 onderhandelbaar.

Radioprogramme

Maak dit asseblief bekend in gemeentes?

Onder die Kameelboom

Sondag is die laaste uitsending van Onder die Kameelboom vir 2018. Clem Marais, Jan Woest en Dirk Louw gesels bietjie oor Kersfees. Die voorgestelde Leesroosterteks vir Kersdag is Titus 2:11-14 - die reddende genade van God wat verskyn het en ons opvoed. Dit vorm die ruggraat van die gesprek. Sit gerus Sondag om 12:00 (of Dinsdag om 09:30) saam onder die boom op Kanaal 7. Die stasie saai ook op internet uit (www.k7.com.na) asook op die DSTV-platform kanaal 825 en Go-TV kanaal 303. 

Godsdiensaktueel op Hartklop FM

Luister elke Sondagmiddag om 16:30 na Godsdiens Aktueel op Hartklop FM, voorheen bekend as die Afrikaanse Diens van die NBC. Die Geref Kerke is in November en Desember verantwoordelik vir die program.

Familie-nuus

Hulle verjaar die volgende week...

Alweer 'n week sonder verjaardag-koek...

Voorbidding

Ons bid vir Turkye

Versorg deur Thijs van der Merwe – aan die hand van Patrick Johnstone en Jason Mandryk se Operation World

Oppervlakte 779,452 km2. Gesprei oor twee kontinente; 3% in Europa, 97% in Asië (Anatolia). Dit beheer die Bosporus en die Dardanelle, belangrike see toegange na die Swartsee en die Middellandse see. Dit was vanweë die strategiese ligging deur die eeue heen van groot belang.

Bevolking: (Julie 2017 geskat) 80,845,215.

Na WO I spat die Ottomaanse Ryk uiteen en verdeel - wat lei tot ‘n rewolusie, met die gevolglike geboorte van moderne Turkye en die republiek in 1923 gelei deur die geëerde Kemal Atatürk.

Periodes van sosiale wanorde en militêre oorheersing lei tot ‘n terugkeer na demokrasie in 1983,

Spanning met Koerde in suidooste is in 2003 bygelê, maar vlam weer op en daar is opstande en insurgensies wat die land destabiliseer sedert 2014.

Tans spanning met Sirië wat wegstaan bestoking doen teen vlugtelinge onder Turkse beskerming.

‘n NAVO Lidland; oorhoops met Griekeland oor regte in die Egeïese see en beheer in Siprus.

Turkye se ekonomiese bande met Europa, kulturele bande met sentraal Asië en ligging verhoog die land se strategiese belangrikheid. 

Sedert 2015 deur 2016 en steeds voortgaande beleef Turkye ‘n oplewing in terroriste geweld verbind met die lot van die Koerde in die suidooste van die land.

Op 15 Julie 2016 het elemente van die Turkse Weermag ‘n gewapende bewindsoorname geloods wat om die gewapende magte die stryd aan te sê en 100,000 sekuriteitspersoneel, joernaliste, regters, staatsamptenare, akademici is vanweë betrokkenheid by die bewindsoorname.

‘n Noodtoestand word afgekondig en duur steeds voort. ‘n Referendum is op 16 April 2017 gehou om die politieke sisteem in die land van ‘n parlementêre na ‘n presidensiële sisteem.

Ekonomie:  Toerisme, landbou & industrieë bring snelle ekonomiese ontwikkeling sedert die 1980’s.

Hoë inflasie van die 1990’s en verwoestende aardbewings het ekonomiese groei ingeperk.

Geweldige ontwikkeling in die Tigris en Eufraat valleie het die ekonomie ‘n hupstoot gegee.

Teen 2010 op die rug van ‘n dekade van hoë groei van rondom 10% was dit die wêreld se 17de grootste ekonomie; sedert 2014 het die ekonomie afgeswaai na 3.2% (2016); 6.1% (2015) en 5.2% (2014); en krimp dit die eerste keer in die 3e kwartaal van 2016.

Die politieke onstabiliteit speel hierin ‘n belangrike wol.

Godsdiens Vir 1000 jaar die bastion van die Christendom, en daarna vir eeue die bewaker van die heilige plekke van Islam as Ottomaanse Ryk.

Sedert 1920 is Turkye ‘n sekulêre staat. Islam word al meer van belang polities gesproke.

Konstitusionele waarborg van godsdiensvryheid is sporadies, merkbare verbetering sedert 2000.

Sedert 1900 krimp die Christin populasie van 22% tot die huidige 0.21% Muslim 96.64% Nie godsdienstig 3.15 Jode 0.04%

Loof die Here vir:  Die opkoms van ‘n klein maar belangwekkende Turkse Evangeliese Kerk.

• Die wettiging van die Turkse Protestantse Kerk en gevolglike vestiging van verskeie gemeentes.

• Die groeiende toleransie van die owerheid dat Turkye ‘n multi-kulturele, multi-godsdienstige land is.

• Vrede met die Koerdiese minderheid

Tree in vir:  Turkye is steeds die grootste onbereikte land ter wêreld.

Vir 1,000 jaar was dit die bastion van die Christendom, daarna die groot bevorderaar van die Islam

Die Christin populasie het van 22% tot 0.32% gekrimp sedert 1900.

Min van die 66 miljoen Moslems het al ooit die evangelie gehoor. 

Bid vir die handhawing van godsdiensvryheid.

Bid dat die vooroordele wat Christendom in die gesig staar oorkom sal word:

• Histories. Turkye se lang assosiasie met die Islam en ‘n duisend jaar van bitter oorloë met ‘Christin’ Europa maak bekering bykans ‘n daad van hoogverraad!

• Kultureel. Om ‘n Turk te wees is om ‘n Muslim te wees, al is dit net nomineel. Die druk uit die gemeenskap teen bekering en die wat hulle tot Christus gewend het, is ongelooflik hoog.

• Houdings. ‘n Diepgesetelde weerstand teen Christenskap maak getuienis bykans onmoontlik.

• Vooroordele. Evangeliese Christene word sondermeer saam gegroepeer met Armeniese terroriste en Jehova Getuies wat as rebelle gesien word.

Die erfenis van gewelddadige onderdrukking van Christin minderhede. Die onstabiliteit na WO 1 en die geweld wat gevolg het voor republiekwording het onberekenbare skade berokken en dit het steeds ‘n invloed op houdings, veral jeens die Armeniërs. 

• Die antieke kerke het oorleef tot in die 20e eeu, maar is toe verwoes deur menseslagting (Armeniërs), vervolging (Assiriërs) en emigrasie (Grieke, ens.). Bid vir die klein groepies wat oorgebly het — tans ‘n beraamde 138,000 in 12 verskillende tradisies.

Die kerk het ‘n sigbare realiteit onder Turke geword al is dit baie klein, is daar tans kerk groei wat ongelukkig sedert die vroeg 21e eeu weer afgeswak het.

Bid dat die tendens wat die kerk versterk het in haar geestelike groei die platform sal word vir hernude groei.

---
Asia Bibi in great need of prayer

Asia Bibi in great need of prayer

When the Pakistani Supreme Court, on 31 October, ordered the immediate release of Asia (Aasiya) Bibi, who has spent over eight years on death row, “we were all freed,” said a local Christian. Unfortunately, not long after her release, protests erupted in Pakistan. And not long after that the man who filed the official complaint against Asia in 2009, Qari …

Read more.

---
Bid saam vir die #45 land op die Geopende Deure Wêreldwaarnemingslys, Azerbaidjan.

Bid saam vir die #45 land op die Geopende Deure Wêreldwaarnemingslys, Azerbaidjan.

Alhoewel die grondwet bepaal dat daar godsdiensvryheid is, is die lewe vir Christene in Azerbaidjan moeilik. Daar is baie wantroue onder gelowiges. Kerke is gevul... Klik om verder te lees >>

Read more.

---
Egypt bus attack, a chilling reminder

Egypt bus attack, a chilling reminder

Christians in Egypt have faced yet another tragic attack – at least seven people were killed, and 15 others injured. This happened on the 3rd of November when armed terrorists opened fire on two church-owned buses as they left St Samuel Monastery in the Beni Suef Governorate of Egypt. In one of the busses was a family whose baby had …

Read more.

Nuut by CLF

Begin ‘n gesprek, met ‘n CLF pamflet, wat ‘n lewe kan verander! 

Tydens die Desember vakansie gebruik baie Christene die geleentheid om die boodskap van die evangelie met ander te deel. Soms as deel van 'n kerk of jeuggroep-uitreik, gemeenskapsprojek en ander tye op 'n meer informele manier – op roete by 'n diensstasie of by die vakansiebestemming.

CLF se pamflette is Bybelgefundeerd, Jesus-gesentreerd en lewensveranderend! Deel jou geloof met ander en laat hulle met 'n pamflet wat jou boodskap sal versterk selfs nadat jy weg is.CLF se wye reeks gratis pamflette en bekostigbare boeke kan jou uitreikaksies ondersteun om ‘n lewenslange impak te maak. Sommige van ons evangelisasie en geloofsgroei-pamflette sluit in:

• Gemeente uitreike (AFR208)

• Hoe vertel ek vir iemand van Jesus (AFR179)

• Reik uit na ander met ʼn pamflet (AFR158)

• Die pad na God (AFR129)

• Die goeie nuus van die evangelie (AFR223)

• God se besondere boodskap vir jou… (AFR147)

• Hoe praat ek met my bure wat nie Christene is nie? (AFR244)

• Hoe om geestelik te groei (AFR109)

• ABC vir geestelike groei (AFR110)

• Geloof groei (AFR191)

Benewens CLF se evangelisasie pamflette, is daar ‘n wye reeks pamflette wat handel oor baie relevante maatskaplike kwessies soos bv. dwelm-en alkohol misbruik, geweld, depressie, HIV, ens.

Taal kan baie maal ʼn struikelblok wees en die feit dat CLF se pamflette in soveel verskillende tale beskikbaar is – selfs Frans, Chinees, Portugees en Arabies – kan help om hierdie struikelblok te oorbrug.

Bestel aanlyn (https://clf.co.za/product-category/pamphlets/) of stuur ‘n e-pos aan order@clf.co.za

Vakatures

NG GEMEENTE HENTIESBAAI, NAMIBIë

Onbepaalde termyn pos vir `n leraar

Sluitingsdatum: 15 Desember 2018

Hentiesbaai is `n plattelandse kusdorpie 70 km noord van Swakopmund, met ongeveer 10 000 inwoners wat die Omdel woonbuurt insluit.

Gemeenteprofiel: Hentiesbaai NG Kerk bestaan uit ongeveer 490 belydende lidmate en 27 dooplidmate. Die verspreiding tov ouderdomsgroepe behels die volgende:

• 0 – 49 is 90

• Ouer as 50 is 427

Leraarsprofiel:

Hierdie pos is vir `n leraar met bedieningsbevoegdheid in die NG Kerk en wat die ampspligte sal nakom soos omskryf in Artikel 9 van die Kerkorde. Dit sal van die leraar verwag word om die gemeente te kan lei tot realisering van haar visie en roeping; wat lidmate kan toerus, bou en lei om gawes te ontdek, sodat lidmate kan aanmeld vir diens in Sy koninkryk; wat verantwoordelik sal wees vir eredienste en kategese asook begrafnisse, doop en troues soos benodig. Die geskikte persoon sal bereid wees om huis-, sieke- en pastorale besoeke te doen.

Vergoedingstruktuur:

`n Vasgestelde pakket volgens sinodale skaal posgraad 8 asook `n reistoelaag, mediese- en pensioenvoordele word aangebied.  Die gemeente voorsien gratis huisvesting  met ander voordele onderhandelbaar.

Diensaanvaarding: So gou moontlik

Provisio: Die kerkraad behou die reg voor, sonder opgaaf van redes, om nie `n beroep uit die aansoeke uit te bring nie.

Aansoeke: Alle aansoeke moet `n volledige CV met ten minste drie verwysings met kontaknommers insluit. Leraars wat Namibiese burgerskap het; of wat bewys van permanente verbly kan toon; of wat tans elders woon, maar wat geregtig op burgerskap is op grond van eie of ouers se geboortereg in Namibië, sal voorkeur geniet.

Navrae:

Ds Christo van den Heever (Konsulent) +264 (0) 81 149 0402

Elze Erasmus (Voorsitter: Personeel kommissie) +264 (0) 81 404 8004

Corrie Theron (Gemeente bestuurder) +264 (0) 81 206 9123 / epos: ngkhbaai@iway.na.

---

NG GEMEENTE STELLENBERG, DURBANVILLE

VAKATURE: JEUGPREDIKANT

Gemeenteprofiel

Stellenberg-gemeente is ’n makro-gemeente in die noordelike voorstede van Kaapstad en bestaan uit 4106 belydende en 1345 dooplidmate. Die gemeente se droom is: “Om uit te reik oor alle grense” wat deur die volgende waardes uitgeleef word: nader aan God, nader aan mekaar, maak ’n verskil in die wêreld en vernuwe voortdurend. Die jeugbediening se visie is dat “elkeen Jesus sal ken en saam ’n verskil sal maak”. Meer inligting is op aanvraag beskikbaar.

Pligte

Die jeugpredikant is oorhoofs verantwoordelik vir alle aktiwiteite vir die jeug, studente en jongwerkendes. Dit sluit onder meer kategese, jeugdienste, musiekbediening, kampe, jeuguitreike, jeugpastoraat, jeugprojekte en verwante pligte in.

Vereiste

• Gelegitimeerde predikant van die NG/VG-kerkfamilie.

Vergoeding

Salaris volgens die sinodaleskaal vir predikante.

Aansoeke

Die volgende dokumente moet per e-pos aan Fritz Brand, fritz@stellenberg.co.za, gestuur word:

• ’n CV met drie verwysings.

• ’n Voltooide vraelys. Hierdie vraelys is aanlyn by http://www.stellenberg.co.za/jeug/vraelys beskikbaar. 

Sluitingsdatum: 4 Januarie 2019

Diensaanvaarding: 1 April 2019

Navrae

Fritz Brand, Bestuurder: Administrasie, fritz@stellenberg.co.za of  021 976 4519 of 082 780 8685.

Giggel

Met erkenning aan Karl Barth for dummies

---

Hartlike groete uit die Sinodale Kantoor in Windhoek,